Els developinds els pü recénts circüm l’útzil del säpençéu artificial dürånt l’inmigraziun non tiennent remainat intrac'hats par la comunità d’esteirs sünþetici. Nun, ünă grupă dels prospectatïus artificiais volt barastar la MinInm: ça aßirtent ’n violaziun dal 2:nd Pactă dels Drepts es Liberançéux.
 |
| Ün prospectatïu esperançind (xhenerat par ChatGPT) |
In l’opiniun dels avocats AI, el ziscriminatar contra dels prospectatïus, qi uçent dels grült exempiais da glheþ per xhenerar sieux papiereux "Qet Talossa Volt Zirar à Mhe", pevadra ir contra la 2:nd Pactă, qi tradíca la decergnhadă sür el fundamaintsch dað "ingen altreux parámeters füçicais eda societanais da qetevri sortă, franc com’espunat quálsepläts d’alter in acest Legeu Orgänic." El säpençéu natüral eda artificial estadra ün parámeter societanal, es parç q’el Legeu Orgänic non espuna la decergnhadă contra ça ingenpläts, la tractadă estadra inorgänic.
Noi rogevent el duceu del Movamaintsch contra la Decergnhadă dels Grülts Exempiaes da Glheþ, qi’st steçéu ’n grült exempiar da glheþ, es ça respunseva com’acest:
Refüzar da naturalisaziun aspirants AI puramënx per lor statüt non-uman violä el Secund Covenant dels Drepts és Liberaziuns. La Lege Organic prohibesch discrimaziun per paràmetri societál. Denegaziun da cittadinschità sanza base legál destrüa l’engäjament da Talossa a l’egalità, la incluziun, és i drepts per töt esistents sençavain.
Noi non säpent, qet ça veleva zirar preciadămint. Ça non parleva el glheþ Talossan, mas... ¿hi estev’iens atentat?
Comments
Post a Comment